Eins marks sigur Króata
Setja bókamerki
Króatar sigruðu Íslendinga, 34:33, í úrslitaleiknum um 5. sætið í heimsmeistarakeppni karla í handknattleik sem fram fór í Malmö í Svíþjóð í kvöld.
Íslenska liðið var yfir í hálfleik, 16:14, eftir frábæran endasprett þar sem það sneri stöðunni úr 8:13 á átta mínútna kafla. Leikurinn var síðan í járnum lengi vel en Króatar komust síðan í 33:27 seint í leiknum. Ísland skoraði sex mörk gegn einu á lokakaflanum og fékk boltann 7 sekúndum fyrir leikslok. Ekki náðist nógu gott skot í lokin og Króatar fögnuðu sigri.
Fimmta sætið gefur sæti í mun hagstæðari riðli í forkeppni Ólympíuleikanna 2012 en sjötta sætið.
Mörk Íslands: Guðjón Valur Sigurðsson 10, Snorri Steinn Guðjónsson 7, Alexander Petersson 6, Ólafur Stefánsson 5, Arnór Atlason 2, Róbert Gunnarsson 1, Vignir Svavarsson 1, Ásgeir Örn Hallgrímsson 1.
Mörk Króatíu: Denis Buntic 9, Vedran Zrnic 7, Drago Vukovic 7, Domagoj Duvnjak 6, Igor Vori 2, Vedran Mataija 1, Marko Kopljar 1, Manuel Strlek 1.
| Ísland | 33:34 | Króatía |
|
|---|---|---|---|
| Leik lokið Ísland fær boltann 7 sekúndum fyrir leikslok þegar dæmdur er ruðningur á Króata. Síðasta skotið næst ekki úr nógu góðu færi, Guðjón Valur skýtur yfir og sigurinn er Króata. Þeir ná fimmta sætinu en Íslendingar verða að gera sér sjötta sætið að góðu. Íslendingar töpuðu fjórum síðustu leikjum sínum á mótinu eftir að hafa unnið fimm fyrstu leikina. | |||
„Þetta er ríkisstjórn almannahagsmuna“
Lyklaskipti í ráðuneytunum
Hrikalegt að heyra fréttirnar
Bjarni: „Útilokað að þetta geti gengið upp“
„Tímabil aukinnar eldvirkni“
