Frábær úrslit gegn Frökkum

Ísland og Frakk­land gerðu jafn­tefli 26:26 í C-riðli heims­meist­ara­móts karla í hand­knatt­leik í Doha, höfuðborg Kat­ar, klukk­an 18.00. Ísland var yfir 14:12 að lokn­um fyrri hálfleik. Fylgst var með gangi mála í beinni texta­lýs­ingu hér á mbl.is.

Allt annað var að sjá til ís­lenska liðsins í dag en í fyrsta leikn­um gegn Sví­um á dög­un­um. Menn voru áræðnir í sókn­inni og refsuðu Frökk­un­um þegar þeir sváfu á verðinum. Hraðinn var meiri í sókn­inni, mun meiri en gegn Sví­um, en ag­inn engu að síður til staðar.  Þá var 6-0 vörn­in virki­lega góð og þar gekk flest upp fyr­ir utan það að línumaður­inn öfl­ugi Cé­dric Sor­haindo fékk úr miklu að moða og skoraði 5 mörk. Björg­vin varði afar vel í fyrri hálfleik en varði ekki mörg skot í seinni en tók þó ví­tak­ast í upp­hafi síðari hálfleiks. 

Aug­ljóst var að mun meiri neisti var í ís­lenska liðinu í dag og spurn­ing hvort síðari hálfleik­ur­inn gegn Als­ír hafi virkjað þá stemn­ingu sem liðið þarf á að halda. Aron Pálm­ars­son og Ásgeir Örn Hall­gríms­son voru marka­hæst­ir með 5 mörk hvor en Aron var tek­inn úr um­ferð á köfl­um. 

Besti hand­boltamaður í heimi, Ni­kola Kara­batic, fékk sína þriðju brott­vís­un á 50. mín­útu. Síðasta brott­vís­un var fyr­ir meint­an leik­ara­skap þegar Sver­re fór í hann. Ró­bert Gunn­ars­son skoraði síðasta mark leiks­ins á glæsi­leg­an hátt þegar rúm mín­úta var eft­ir. Björg­vin varði í kjöl­farið en Íslandi tókst ekki að skora úr síðustu sókn leiks­ins. 

Sví­ar eru þá með 6 stig, Frakk­ar 5, Egypt­ar 4, Íslend­ing­ar 3, Tékk­ar og Als­ír­bú­ar ekk­ert, þegar þrem­ur um­ferðum er lokið af fimm. Fjög­ur efstu liðin fara áfram og nú ligg­ur fyr­ir að Íslandi næt­ir jafn­tefli gegn Tékk­um á fimmtu­dag­inn til að tryggja sér sæti í 16-liða úr­slit­un­um.

Leik­irn­ir gegn Tékk­um og Egypt­um verða afar mik­il­væg­ir þar sem þær þjóðir eru einnig að berj­ast um að kom­ast áfram í 16-liða úr­slit­in. Já­kvæðu frétt­irn­ar eru þær að mik­ill stíg­andi er í leik ís­lenska liðsins. 

Ísland	26:26	Frakk­land	Opna lýs­ingu Loka
60. mín. Al­ex­and­er Peters­son (Ísland) fékk 2 mín­út­ur Fyr­ir stimp­ing­ar. Leik­hlé­in eru búin hjá Íslend­ing­um. Okk­ar menn með bolt­ann manni færri.
Aron Pálmarsson - 5 Ásgeir Örn Hallgrímsson - 5 Snorri Steinn Guðjónsson - 4 Alexander Petersson - 4 Guðjón Valur Sigurðsson - 3 / 2 Arnór Þór Gunnarsson - 2 Róbert Gunnarsson - 2 Kári Kristján Kristjánsson - 1 Mörk 6 - Nikola Karabatic 5 - Cédric Sorhaindo 4 / 4 - Guillaume Joli 3 - Daniel Narcisse 3 - William Accambray 2 - Luka Karabatic 2 - Michaël Guigou 1 - Valentin Porte Björgvin Páll Gústavsson - 10 / 2 Varin skot 16 - Thierry Omeyer 14 Mín Brottvísanir 12 Mín Nikola Karabatic mín. 60 Leik lokið Frakkar gátu ekki brugðist við. Leiknum er lokið með jafntefli. Mjög fín úrslit fyrir Ísland eftir jafnan og gríðarlega spennandi leik. 60 Thierry Omeyer (Frakkland) varði skot Löng sókn. Aron átti lokaskotið en vörnin varði og Omeyer varði það endanlega. 60 Valentin Porte (Frakkland) fékk 2 mínútur Jafnt í liðum! Um 30 sek eftir 60 Alexander Petersson (Ísland) fékk 2 mínútur Fyrir stimpingar. Leikhléin eru búin hjá Íslendingum. Okkar menn með boltann manni færri. 59 Björgvin Páll Gústavsson (Ísland) varði skot Ver frá Accambray í dauðafæri 59 26 : 26 - Róbert Gunnarsson (Ísland) skoraði mark Stórkostleg tilþrif hjá Robba 59 Ísland tekur leikhlé 1:35 mín eftir. Frakkar fá manninn úr refsingu eftir nokkra sekúndur. Nú þurfa okkar menn að skora. 59 Frakkland tapar boltanum Tæpar tvær eftir. 58 Ísland tapar boltanum Dæmd ólögleg hindrun á Róbert. Vafasamt 58 William Accambray (Frakkland) skýtur framhjá 57 25 : 26 - Ásgeir Örn Hallgrímsson (Ísland) skoraði mark Úr horninu. Eftir frábæra sendingu frá Aroni 57 Xavier Barachet (Frakkland) fékk 2 mínútur Nú jæja. Enn er von. 56 24 : 26 - Cédric Sorhaindo (Frakkland) skoraði mark Af línunni. Tveggja marka munur. Er það of mikið? 56 Thierry Omeyer (Frakkland) varði skot Frá Alexander. Aron tekinn úr umferð. 55 24 : 25 - William Accambray (Frakkland) skoraði mark Hann tekur bara við hlutverki Karabatic 55 William Accambray (Frakkland) á skot í slá Í slána. Frakkar halda boltanum 54 Vignir Svavarsson (Ísland) fékk 2 mínútur Þetta er dýrt. Vignir var nú bara í hefðbundinni baráttu við línumann 53 24 : 24 - Aron Pálmarsson (Ísland) skoraði mark Losaði sig úr gæslunni og skaut í gólfið og inn 53 23 : 24 - William Accambray (Frakkland) skoraði mark Annað markið í röð frá honum. Fast skot fyrir utan 52 Textalýsing Leikurinn stöðvaður. Barachet lenti illa og hugað er að honum. 52 23 : 23 - Snorri Steinn Guðjónsson (Ísland) skoraði mark Aftur jafnt 51 22 : 23 - William Accambray (Frakkland) skoraði mark 51 Ísland tapar boltanum 50 Nikola Karabatic (Frakkland) rautt spjald Mögnuð tíðindi. Þriðja brottvísun Karabatic. Franski þjálfarinn Onesta var jafn fúll á svipinn og Stefan Effenberg á slæmum degi! 50 Nikola Karabatic (Frakkland) fékk 2 mínútur Fyrir leikaraskap. Hárréttur dómur að mér sýndist en í þetta þarf kjark! Og þó. Í endursýningu sé ég að hann fékk nokkuð högg frá Sverre en þó ekki í andlitið að mér sýnist. 49 22 : 22 - Alexander Petersson (Ísland) skoraði mark Takk fyrir það Alex 49 Textalýsing Strákar hvernig væri nú að jafna leikinn? 49 Cédric Sorhaindo (Frakkland) skýtur framhjá 48 Ísland (Ísland) gult spjald Spjald á Aron Kristjáns 48 Thierry Omeyer (Frakkland) varði skot Frá Alexander. Ísland hefði átt að fá aukakast enda fauk nú í Aron landsliðsþjálfara. 47 21 : 22 - Nikola Karabatic (Frakkland) skoraði mark Frakkar eru komnir yfir. Nú verður erfitt að eiga við þá, sérstaklega þar sem Omeyer er orðinn heitur. 47 Thierry Omeyer (Frakkland) varði skot Nú frá Alexander 46 Frakkland tapar boltanum Gaui fiskar ruðning af kænsku 46 Thierry Omeyer (Frakkland) varði skot Ekki líst mér á Omeyer... 45 Vignir Svavarsson (Ísland) fékk 2 mínútur Klaufalegt brot eftir að Narcisse gabbaði hann 45 21 : 21 - Daniel Narcisse (Frakkland) skoraði mark Gegnumbrot 45 Ísland tapar boltanum 44 21 : 20 - Nikola Karabatic (Frakkland) skoraði mark Skot fyrir utan. Eins marks munur. 44 Thierry Omeyer (Frakkland) varði skot Frá Arnóri Þór 43 Textalýsing Svíar eru tíu mörkum yfir gegn Alsír 17:7. Stefnir í þriðja sigur Svía. Egyptar unnu áðan Tékka 27:24. Spurning hvort magakveisan sé að kvelja Tékkana? 43 Daniel Narcisse (Frakkland) á skot í stöng 42 Alexander Petersson (Ísland) fékk 2 mínútur Hékk í Narcisse 42 Thierry Omeyer (Frakkland) varði skot Vörnin dró kraftinn úr skotinu 41 21 : 19 - Cédric Sorhaindo (Frakkland) skoraði mark Franski rennilásinn er kominn með fjögur mörk 41 21 : 18 - Alexander Petersson (Ísland) skoraði mark Stökk upp fyrir utan 40 Björgvin Páll Gústavsson (Ísland) ver víti Auðvitað. Frá Joli sem hafði skorað úr fjórum vítaköstum. 40 Daniel Narcisse (Frakkland) fiskar víti 39 20 : 18 - Alexander Petersson (Ísland) skoraði mark Skot fyrir utan. Kom á ferðinni. Er einbeittur í þessum leik Alex. 39 19 : 18 - Daniel Narcisse (Frakkland) skoraði mark Skot fyrir utan. Virðist við hestaheilsu 39 19 : 17 - Guðjón Valur Sigurðsson (Ísland) skorar úr víti 39 Nikola Karabatic (Frakkland) fékk 2 mínútur Ódýr brottvísun. Við grátum það ekki. Hans önnur brottvísun sem er flippsturluð staðreynd 39 Vignir Svavarsson (Ísland) fiskar víti 38 Xavier Barachet (Frakkland) skýtur framhjá 38 18 : 17 - Guðjón Valur Sigurðsson (Ísland) skorar úr víti Hans 250. mark á HM á ferlinum. Hefur skorað flest HM-mörk Íslendinga. 38 Róbert Gunnarsson (Ísland) fiskar víti 37 17 : 17 - Guillaume Joli (Frakkland) skorar úr víti Skorar framhjá Aroni Rafni sem fékk að spreyta sig 37 Valentin Porte (Frakkland) fiskar víti 37 17 : 16 - Snorri Steinn Guðjónsson (Ísland) skoraði mark 17:16 fyrir Ísland. Lúmskt skot 36 Ísland tekur leikhlé Fjögur mörk í röð frá Frökkum og rétt að fara yfir málin. 36 16 : 16 - Nikola Karabatic (Frakkland) skoraði mark Seinni bylgjan. Þeir eru ekki lengi að þessu Frakkarnir þegar þeir fá tækifæri til. 36 Ísland tapar boltanum Erfitt manni færri 35 16 : 15 - Michaël Guigou (Frakkland) skoraði mark Gegnumbrot. Ennþá merkilega snöggur miðað við aldur og fyrri störf. Heldur maðurinn að hann sé Guðjón Valur? 35 Ísland tapar boltanum 34 Thierry Omeyer (Frakkland) varði skot Ísland heldur boltanum. 34 16 : 14 - Guillaume Joli (Frakkland) skorar úr víti Tveggja marka munur 34 Sverre Jakobsson (Ísland) fékk 2 mínútur 34 Cédric Sorhaindo (Frakkland) fiskar víti Ágætur vinur minn segir hann vera eins og franskan rennilás. Allar línusendingar festast við hann. 33 Ísland tapar boltanum 33 16 : 13 - Daniel Narcisse (Frakkland) skoraði mark Gegnumbrot. Hans fyrsta mark í mótinu. Kom ekkert inn á í fyrri hálfleik. 32 16 : 12 - Róbert Gunnarsson (Ísland) skoraði mark Af línunni. Frábær nýting á stöðunni 6 á móti 5. 32 Michaël Guigou (Frakkland) skýtur framhjá 31 15 : 12 - Ásgeir Örn Hallgrímsson (Ísland) skoraði mark Úr horninu. Ilmandi fín byrjun á seinni hálfleik 31 Leikur hafinn Ísland byrjar í sókn, manni fleiri 30 Hálfleikur Ísland er yfir 14:12 að loknum fyrri hálfleik. Virkilega góð frammistaða en leikurinn er í járnum. Of snemmt að byrja að fagna en hvernig sem leikurinn fer þá er leikur íslenska liðsins í það minnsta á uppleið. Með spilamennsku í líkingu við þessa ætti liðið að vinna Egyptaland og Tékkland. Björgvin er með 8/1 skot varin fyrir aftan 6-0 vörn sem hefur virkað vel þó illa gangi að halda aftur af línumanninum sterka Sorhaindo. Sóknin er fín og leikmenn eru óhræddir við að ógna marki Frakka. Stanslaus ógn og það virkar til lengri tíma í svona leikjum. 30 14 : 12 - Alexander Petersson (Ísland) skoraði mark Fast skot af gólfinu og á síðustu sekúndu fyrri hálfleiks. Glæsilegt mark 30 Nikola Karabatic (Frakkland) fékk 2 mínútur Snilld 30 13 : 12 - Valentin Porte (Frakkland) skoraði mark Skot fyrir utan 29 13 : 11 - Aron Pálmarsson (Ísland) skoraði mark Ef þeir hleypa honum inn fyrir punktalínu þá refsar Aron 29 Frakkland tapar boltanum 28 Thierry Omeyer (Frakkland) varði skot Arnór Atla átti að fá aukakast 28 Ísland tekur leikhlé Aron róar menn niður. Ísland gat náð fjögurra marka forskoti en í stað þess hafa Frakkar minnkað niður í eitt. Ljúft væri að vera yfir í hléinu 27 12 : 11 - Michaël Guigou (Frakkland) skoraði mark Gegnumbrot 27 Thierry Omeyer (Frakkland) varði skot Vonandi er hann ekki að hrökkva í gang 27 12 : 10 - Luka Karabatic (Frakkland) skoraði mark Af línunni 26 Thierry Omeyer (Frakkland) varði skot 26 Björgvin Páll Gústavsson (Ísland) varði skot Hans áttunda skot í leiknum 25 12 : 9 - Ásgeir Örn Hallgrímsson (Ísland) skoraði mark Stökk upp fyrir utan 24 11 : 9 - Cédric Sorhaindo (Frakkland) skoraði mark Af línunni. Gríðarlega erfitt að ráða við þennan lurk 24 11 : 8 - Aron Pálmarsson (Ísland) skoraði mark Frábært skot af gólfinu. Fékk uppáhaldsskot Arnórs Atla lánað 23 Björgvin Páll Gústavsson (Ísland) varði skot Nú verja þeir til skiptis 23 Thierry Omeyer (Frakkland) varði skot 23 Frakkland tapar boltanum 22 10 : 8 - Kári Kristján Kristjánsson (Ísland) skoraði mark Af línunni. Seinni bylgja 22 Björgvin Páll Gústavsson (Ísland) varði skot 22 Kári Kristján Kristjánsson (Ísland) á skot í stöng Af línunni 21 9 : 8 - Guillaume Joli (Frakkland) skorar úr víti Fagnar alltaf eins og óður maður þegar hann skorar úr vítaköstunum 21 Cédric Sorhaindo (Frakkland) fiskar víti 20 Ísland tapar boltanum 20 Björgvin Páll Gústavsson (Ísland) varði skot Seigur. Búinn að verja fimm skot 19 Aron Pálmarsson (Ísland) á skot í slá Æiii fín sókn þar sem Aron fékk að skjóta óáreittur frá punktalínu en tuðran small í slánni 18 Frakkland tapar boltanum 18 Frakkland tekur leikhlé Íslendingarnir hafa verið mjög ákveðnir og gaman að sjá til þeirra. Mun meiri neisti en gegn Svíum þar sem deyfð virtist vera yfir mönnum. Baráttan er til fyrirmyndir og áræðni til staðar þegar opnanir myndast á vörn Frakka. 18 9 : 7 - Ásgeir Örn Hallgrímsson (Ísland) skoraði mark Önnur bylgja. 17 Frakkland tapar boltanum 17 8 : 7 - Arnór Þór Gunnarsson (Ísland) skoraði mark Úr horninu. Hröð sókn 17 Frakkland tapar boltanum 16 Thierry Omeyer (Frakkland) varði skot Frá Aroni 15 7 : 7 - Cédric Sorhaindo (Frakkland) skoraði mark Af línunni 15 7 : 6 - Aron Pálmarsson (Ísland) skoraði mark Gegnumbrot 15 Björgvin Páll Gústavsson (Ísland) varði skot 14 6 : 6 - Snorri Steinn Guðjónsson (Ísland) skoraði mark Hraðaupphlaup 14 Frakkland tapar boltanum Aron og Guðjón stálu boltanum 14 5 : 6 - Snorri Steinn Guðjónsson (Ísland) skoraði mark Gegnumbrot 13 4 : 6 - Nikola Karabatic (Frakkland) skoraði mark Gegnumbrot 13 4 : 5 - Guðjón Valur Sigurðsson (Ísland) skoraði mark Stökk upp fyrir utan. Fyrsta mark fyrirliðans 12 Thierry Omeyer (Frakkland) varði skot Ísland heldur boltanum. Varði frá Arnóri Þór í dauðafæri 12 Ísland tapar boltanum 12 Ísland tapar boltanum 11 3 : 5 - Guillaume Joli (Frakkland) skorar úr víti 11 Cédric Sorhaindo (Frakkland) fiskar víti 11 Sverre Jakobsson (Ísland) fékk 2 mínútur 10 3 : 4 - Aron Pálmarsson (Ísland) skoraði mark Búinn að stilla miðið 10 Frakkland tapar boltanum 9 Thierry Omeyer (Frakkland) varði skot Frá Róberti 9 2 : 4 - Cédric Sorhaindo (Frakkland) skoraði mark Af línunni 9 Thierry Omeyer (Frakkland) varði skot Frá Alexander 8 Björgvin Páll Gústavsson (Ísland) varði skot Varði frá Accambray á línunni. Björgvin byrjar leikinn vel 8 2 : 3 - Arnór Þór Gunnarsson (Ísland) skoraði mark Úr horninu. Skaut á nærstöngina. Arnór er lunkinn að nýta færin sín 7 Björgvin Páll Gústavsson (Ísland) ver víti Frábær tíðindi. Guigou er góð vítaskytta en Bjöggi sá við honum 7 Cédric Sorhaindo (Frakkland) fiskar víti 6 Ásgeir Örn Hallgrímsson (Ísland) fékk 2 mínútur Hrinti Karabatic þegar hann var kominn í loftið 6 Ísland tapar boltanum Vörn Frakka las undirhandarskot Snorra 6 1 : 3 - Luka Karabatic (Frakkland) skoraði mark Litli bróðirinn skorar líka! 5 Aron Pálmarsson (Ísland) skýtur framhjá 5 1 : 2 - Nikola Karabatic (Frakkland) skoraði mark Önnur bylgja. Okkur er refsað fyrir að klikka á marktækifærunum 5 Ásgeir Örn Hallgrímsson (Ísland) á skot í slá Óheppinn 5 Frakkland tapar boltanum 4 Björgvin Páll Gústavsson (Ísland) varði skot Frakkar halda boltanum 4 Alexander Petersson (Ísland) skýtur framhjá 3 1 : 1 - Nikola Karabatic (Frakkland) skoraði mark Jæja þetta "fyrirbæri" er komið á blað í dag 2 1 : 0 - Ásgeir Örn Hallgrímsson (Ísland) skoraði mark Já já Ísland tekur forystuna. Mark úr hraðaupphlaupi 2 Frakkland tapar boltanum 1 Aron Pálmarsson (Ísland) skýtur framhjá 1 Xavier Barachet (Frakkland) skýtur framhjá 1 Leikur hafinn Frakkar byrja í sókn 0 Textalýsing Ég var of fljótur á mér að fullyrða að Narcisse sé ekki leikfær. Hann er í hópnum í fyrsta skipti í keppninni en spurning hvort hann geti beitt sér. 0 Textalýsing Forvitnilegt verður að sjá hvaða varnarafbrigði Aron landsliðsþjálfari beitir í dag. Verður það 6-0 vörn eða 5-1? Sú síðarnefnda hefur á köflum opnast illa þó vissulega hafi tekist að halda Kim Andersson niðri í Svíaleiknum. Á móti kemur að gegn 6-0 vörn eiga Frakkar marga leikmenn sem skjóta vel fyrir utan. Í þeirri stöðu reynir á markverðina. 0 Textalýsing Síðasti sigur íslenska liðsins gegn þessu sigursæla franska liði á stórmóti kom á Ólympíuleikunum í London. Ísland sigraði þá 30:29 í fjórða leik riðlakeppninnar. Frakkar fóru þó alla leið í úrslit og unnu gullið á öðrum leikunum í röð. 0 Textalýsing Skyttan snögga Daniel Narcisse er ekki leikfær vegna meiðsla og er það vatn á myllu Íslendinga, þó Ólympíu- og Evrópumeistararnir eigi ýmislegt fleira í vopnabúri sínu. 0 Textalýsing Ísland tapaði illa fyrir Svíþjóð í fyrsta leik 16:24 en vann Alsír 32:24 í öðrum leiknum. 0 Textalýsing Velkomin með mbl.is í beina textalýsingu frá leik Íslands og Frakklands í C-riðli heimsmeistaramótsins í Katar. Frakkar mæta til leiks með 4 stig eftir fyrstu tvo leikina en Íslendingar eru með 2 stig. Frakkar unnu Tékka 30:27 og Egypta 28:24 og þurftu að hafa talsvert fyrir báðum sigrunum. Sjá meira Sjá allt Dómarar: Ricardo Luis Fonseca og Duarte Santos, Portúgal Gangur leiksins: 1:2, 3:4, 7:7, 9:7, 12:9, 14:12, 16:15, 20:18, 21:21, 22:22, 24:25, 26:26. Lýsandi: Kristján Jónsson Völlur: Duhail Sports Hall Ísland: Björgvin Páll Gústavsson (M), Aron Rafn Eðvarðsson (M). Vignir Svavarsson, Kári Kristján Kristjánsson, Aron Pálmarsson, Ásgeir Örn Hallgrímsson, Arnór Atlason, Guðjón Valur Sigurðsson, Snorri Steinn Guðjónsson, Arnór Þór Gunnarsson, Alexander Petersson, Róbert Gunnarsson, Sigurbergur Sveinsson, Stefán Rafn Sigurmannsson, Bjarki Már Gunnarsson. Frakkland: Cyril Dumoulin (M), Thierry Omeyer (M). Jérome Fernandez, Xavier Barachet, Igor Anic, Guillaume Joli, Alix Nyokas, Nikola Karabatic, Kentin Mahe, Mathieu Grebille, William Accambray, Cédric Sorhaindo, Michaël Guigou, Luka Karabatic, Valentin Porte.

• 1 blogg um frétt­ina

Bloggað um frétt­ina

• Ómar Ragn­ars­son: Fram­för. Þeir geta þetta !