Eina tap Guðmundar er gegn Íslendingum

Danir hafa aðeins tapað einum leik undir stjórn Guðmundar Þórðar Guðmundssonar en Danir og Íslendingar eigast við í 16-liða úrslitunum á HM í Katar í kvöld.

Guðmundur hefur stýrt danska landsliðinu í 11 leikjum og hafa Danir unnið átta þeirra, gert tvö jafntefli og tapað einum. Tapleikurinn leit dagsins ljós á æfingamóti í Danmörku fyrir HM þar sem sem Íslendingar fögnuðu sigri, 30:29.

Danir hafa gert tvö jafntefli á HM í Katar. Fyrst á móti Argentínu og síðan gegn Þjóðverjum, lærisveinum Dags Sigurðssonar.

• 1 blogg um fréttina

Bloggað um fréttina

• Ómar Bjarki Kristjánsson: Mikil spenna í loftinu fyrir leik Íslands og Danmerkur.