Katar sló Dag og sveina hans út

Kat­ar er komið í undanúr­slit HM í hand­knatt­leik í fyrsta sinn en liðið sló út Þýska­land, und­ir stjórn Dags Sig­urðsson­ar, í 8-liða úr­slit­un­um í dag með tveggja marka sigri, 26:24.

Kat­ar mæt­ir því Póllandi í undanúr­slit­un­um en Dag­ur og hans menn geta mest náð 5. sæti úr því sem komið er.

Kat­ar hafði yf­ir­hönd­ina nær all­an leik­inn og náði mest sjö marka for­skoti í fyrri hálfleikn­um, 16:9. Þýska­land náði að minnka mun­inn í fjög­ur mörk á loka­sek­úndu fyrri hálfleiks og var staðan að hon­um lokn­um 18:14.

Mun­ur­inn á liðunum hélst í 2-3 mörk­um stærst­an hluta seinni hálfleiks en Þjóðverj­ar fóru illa með fjölda tæki­færa til að minnka mun­inn niður í eitt mark. Und­ir lok­in virt­ist eng­inn reiðubú­inn að taka af skarið í sókn­ar­leik liðsins þegar mest lá við.

Hass­an Ma­brouk reyn­ir að stöðva Paul Drux. EPA

Heima­menn í Kat­ar eru vel að sigr­in­um komn­ir en þeir léku sterka vörn og markverðir liðsins, Danj­el Saric og Gor­an Stojanovic, vörðu vel. Saric varði til að mynda frá­bær­lega frá Pat­rick Grötzki und­ir lok­in og tryggði Kat­ar sig­ur­inn.

Rafa­el Ca­pote var marka­hæst­ur Kat­ar með 8 mörk og Zar­ko Mar­kovic skoraði 6. Hjá Þýskalandi var Uwe Gens­heimer marka­hæst­ur með 5 mörk og Sil­vio Heinevetter varði mjög vel í mark­inu eft­ir að hafa komið inná um miðjan fyrri hálfleik.

Fylgst var með gangi mála hér á mbl.is og má lesa stöðuupp­færslu leikj­anna hér að neðan.

Zar­ko Mar­kovic fagn­ar einu marka sinna. AFP

60. Leik lokið. Kat­ar er komið í undanúr­slit­in! Loka­töl­ur 26:24.

60. (26:24) Kat­ar er með bolt­ann og 43 sek­únd­ur eft­ir. Ri­vera tek­ur leik­hlé. Heima­menn eru á leiðinni í undanúr­slit á HM í fyrsta sinn.

59. (26:24) Danj­el Saric varði frá Grötzki úr horn­inu þegar ein og hálf mín­úta var eft­ir, og svo aft­ur úr hraðaupp­hlaupi þegar ná­kvæm­lega mín­úta var eft­ir. Hann er að klára dæmið fyr­ir Kat­ar.

58. (26:24) Von­laus­ar sókn­ir hjá Þjóðverj­um nú þegar mest ligg­ur við. Það virðist eng­inn reiðubú­inn að taka af skarið. Kat­ar með bolt­ann og slétt­ar þrjár mín­út­ur eft­ir.

55. (25:23) Aft­ur fengu Þjóðverj­ar tæki­færi til að koma mun­in­um niður í eitt mark en sókn þeirra var ráðleys­is­leg og bar ekki ár­ang­ur. Enn er þó næg­ur tími til stefnu.

52. (25:22) Þjóðverj­ar fengu tvö tæki­færi til að minnka mun­inn í eitt mark en náðu ekki að nýta sér það. Rafa­el Ca­pote hef­ur verið besti sókn­ar­maður Kat­ar og er kom­inn með 8 mörk.

46. (23:21) Mun­ur­inn hef­ur hald­ist í 2-3 mörk­um und­an­farn­ar mín­út­ur. Þjóðverj­ar hafa kort­er til að breyta því.

39. (20:18) Val­ero Ri­vera, hinn spænski þjálf­ari Kat­ar, tek­ur leik­hlé enda mun­ur­inn kom­inn niður í tvö mörk. Nú er út­lit fyr­ir spenn­andi lokakafla.

37. (20:17) Þjóðverj­ar stóðu það vel af sér að vera manni færri síðustu tvær mín­út­ur og voru nú að minnka mun­inn í þrjú mörk. Það gerði Mart­in Strobel með góðu skoti.

31. (18:14) Fjög­urra marka mun­ur er fjarri því að vera óyf­ir­stíg­an­leg­ur fyr­ir Dag og hans menn. Seinni hálfleik­ur haf­inn.

Eld­ar Mem­isevic í hraðaupp­hlaupi. EPA

30. Hálfleik­ur. (18:14) Staðan er 18:14 í leik­hléi eft­ir að Þýska­land skoraði tvö síðustu mörk fyrri hálfleiks. Kat­ar­bú­ar hafa leikið við hvern sinn fing­ur og skoruðu glæsi­legt sirk­usmark seint í fyrri hálfleikn­um. Þeir náðu mest sjö marka for­skoti í fyrri hálfleikn­um, 16:9. Vörn­in hef­ur verið sterk og markverðir liðsins staðið sig vel. Í sókn­inni hef­ur línutröllið Borja Vi­dal skipt sköp­um en hann hef­ur skorað fjög­ur mörk og fiskað tvö víti. Zar­ko Mar­kovic og Rafa­el Ca­pote hafa einnig gert fjög­ur mörk hvor. Hjá Þýskalandi eru Stef­fen Wein­hold og Uwe Gens­heimer marka­hæst­ir með þrjú mörk hvor. Sil­vio Heinevetter kom í mark Þýska­lands á 18. mín­útu og varði vel.

26. (15:9) Gor­an Stojanovic kem­ur inná í mark Kat­ar þegar Þjóðverj­ar fá víti og er bú­inn að verja tví­veg­is frá Uwe Gens­heimer. Það mun­ar um minna.

23. (14:8) Car­sten Lichtlein varði varla skot í marki Þjóðverja og var skipt af velli eft­ir 17 mín­útna leik. Sil­vio Heinevetter kom inná og hef­ur verið að verja mjög vel en Kat­ar er engu að síður sex mörk­um yfir, 14:8.

17. (10:6) Dag­ur tek­ur leik­hlé enda ekki sátt­ur við að vera 3-4 mörk­um und­ir gegn Kat­ar. Þýska sókn­in geng­ur illa gegn sterkri vörn Kat­ar með Saric góðan í mark­inu. Það er mik­ill hiti í leikn­um.

13. (6:3) Zar­ko Mar­kovic var að skora úr tveim­ur víta­köst­um í röð. Mun­ur­inn þrjú mörk. Vask­leg byrj­un heima­manna.

6. (1:1) Liðunum geng­ur illa að skora og staðan er enn 1:1. Danj­el Saric var að verja frá­bæra frá Pat­rick Grötzki úr hraðaupp­hlaupi.

1. Leik­ur haf­inn. Þjóðverj­ar byrja með bolt­ann. Staðan verður upp­færð í fyr­ir­sögn og hægt að sjá hana með því að end­ur­hlaða síðuna (F5).

0. Kat­ar­bú­ar hafa kannski komið ein­hverj­um á óvart með frammistöðu sinni á HM en lið þeirra er sterkt, skipað að stærst­um hluta leik­mönn­um sem eru fædd­ir í öðrum og þekkt­ari hand­bolta­lönd­um. Þjálf­ar­inn er svo Spán­verj­inn sig­ur­sæli Val­ero Ri­vera.

0. Tapliðið í dag hef­ur ekki lokið keppni vegna þess að leikið er um sæti 5-8. Sæti 5, 6 og 7 gefa þátt­töku­rétt í undan­keppni Ólymp­íu­leik­anna, og Dag­ur er því langt kom­inn með að skila Þýskalandi í hana.

0. Þýska­land sló út Egypta­land af ör­yggi í 16-liða úr­slit­un­um með öfl­ugri vörn og frá­bærri markvörslu, en Kat­ar hafði bet­ur gegn Pat­reki Jó­hann­es­syni og hans mönn­um í Aust­ur­ríki í jöfn­um leik. Mörg­um þótti dómgæsl­an hliðholl heima­mönn­um og það er spurn­ing hvort sú verði aft­ur raun­in í dag.

Pat­rick Wiencek stöðvar Zar­ko Mar­kovic. EPA

• 1 blogg um frétt­ina

Bloggað um frétt­ina

• Jó­hann Elías­son: ENN EITT DÓMARA­HNEYKSLIÐ Á HM Í KAT­AR..................