Von Íslands orðin afar veik
Setja bókamerki
Ísland á litla möguleika á að fara áfram í átta liða úrslit á HM karla í handbolta eftir 30:35-tap fyrir Svíþjóð í öðrum leik liðsins í milliriðli II í Gautaborg í kvöld.
Ísland þarf að vinna Brasilíu í lokaleik riðilsins og treysta á að Ungverjaland misstígi sig gríðarlega óvænt gegn Grænhöfðaeyjum og að Portúgal vinni ekki Svíþjóð.
Svíþjóð byrjaði betur og komst í 3:1 í byrjun leiks. Svíar héldu yfirhöndinni næstu mínútur og voru þremur mörkum yfir þegar fyrri hálfleikur var hálfnaður, 10:7.
Þá kom Viktor Gísli Hallgrímsson í markið í staðinn fyrir Björgvin Pál Gústavsson og við það bættist leikur Íslands töluvert, því staðan var orðin 11:11 aðeins nokkrum mínútum síðar.
Ísland hélt áfram að keyra vel á sænska liðið og náði mest þriggja marka forskoti í fyrri hálfleik, 15:12.
Sænska liðið er hins vegar gríðarlega gott og með næstu fjórum mörkum voru heimamenn komnir yfir, 16:15. Að lokum var sænska liðið einu marki yfir í hálfleik, 17:16.
Svíþjóð byrjaði seinni hálfleikinn miklu betur, því eftir fimm mínútur í honum var staðan orðin 20:16.
Eftir það var Ísland að elta allan seinni hálfleikinn og var staðan 26:23 þegar rúmar tíu mínútur voru til leiksloka. Ísland skapaði sér þó nokkuð af góðum færum til að minnka muninn enn frekar en Andreas Palicka í marki Svía var í miklu stuði og varði oft á tíðum gríðarlega vel.
Hann dró tennurnar úr leikmönnum Íslands, sem virtust ekki hafa mikla trú á að koma boltanum framhjá honum á lokakaflanum. Að lokum var sigur heimamanna því nokkuð öruggur.
Bjarki Már Elísson var markahæstur í íslenska liðinu með átta mörk og Gísli Þorgeir Kristjánsson skoraði fimm. Kristján Örn Kristjánsson gerði fjögur. Viktor Gísli Hallgrímsson varði 12 skot í markinu.
Lokaleikur Íslands er gegn Brasilíu næstkomandi sunnudag.
| Svíþjóð | 35:30 | Ísland |
|
|---|---|---|---|
| Kristján Örn Kristjánsson (Ísland) skoraði mark | |||
Þarf að koma til móts við ólíkar þarfir lækna
Nýtt fangelsi í landi Stóra-Hrauns tilbúið 2028
Hentugt gos fyrst gýs á annað borð
/frimg/1/53/8/1530849.jpg)
Fatlaður drengur fær ekki þjónustu í verkfalli
Litlar líkur á að hraunið nái til mannvirkja
Dómur þyngdur um þrjú ár
Rússar sagðir útvega N-Kóreu milljón olíutunnur