Íþróttir | Körfubolti | mbl | 18.2.2008 | 20:51 | Uppfært 23:13

ÍR skellti KR-ingum

Sveinbjörn Claessen skoraði 10 stig fyrir ÍR í góðum sigri …
Sveinbjörn Claessen skoraði 10 stig fyrir ÍR í góðum sigri þeirra í kvöld. Árvakur/Ómar Óskarsson

ÍR vann góðan sigur á Íslandsmeisturum KR, 87:83, í úrvalsdeild karla í körfuknattleik en leikurinn fór fram í íþróttahúsi Seljaskóla í kvöld.

Leikurinn var í járnum allan tímann og liðin yfir til skiptis. ÍR-ingar voru yfir í hálfleik, 44:40, og sami munur skildi liðin að í leikslok.

Nate Brown skoraði 21 stig fyrir ÍR og Hreggviður Magnússon 18 en Joshua Helm gerði 20 stig fyrir KR og Helgi Magnússon 18.

KR-ingum mistókst þar með að komast að hlið Keflavíkur á toppi deildarinnar. Þeir eru með 28 stig en Keflavík er með 30 þegar fjórum umferðum er ólokið.

ÍR styrkti mjög stöðu sína í harðri baráttu um sæti í úrslitakeppninni en Breiðhyltingar eru nu í sjöunda sætinu með 16 stig.

Nánar er fjallað um leikinn í íþróttablaði Morgunblaðsins á morgun og rætt við þá Hreggvið Magnússon hjá ÍR og Helga Magnússon hjá KR.
mbl.is

Bloggað um fréttina

Fleira áhugavert
Virknin dregist saman um 600 metra Fatlaður drengur fær ekki þjónustu í verkfalli Myndir: Grindavíkurvegur aftur undir hraun „Má segja að þetta gos hafi þjófstartað“
Fleira áhugavert
Hraunið náð Njarðvíkuræð: Fylgjast með raflínu Myndir: Náttúrulegur þröskuldur að taka við Myndir: Grindavíkurvegur aftur undir hraun „Erum í miðri hrinu“: Styttist í Eldvörp