Griffin látinn fara frá Grindavík

Grindvíkingar hafa látið Jonathan Griffin fara og samið þess í stað við Jamaal Williams sem síðustu tvö ár sín í háskólaboltanum lék með Washington Huskies.

Á heimasíðu Grindvíkinga segir að ástæðan sé ekki léleg frammistaða Griffins heldur sú staðreynd að eftir að Helgi Jónas Guðfinnsson kom til leiks á nýjan leik hafi staða mála breyst.

Griffin hefur verið einn besti leikmaður Grindvíkinga í vetur, gert rúm 23 stig að meðaltali í leik og er stigahæstur leikmanna liðsins. Hann er einnig sá leikmaður sem hefur tekið flest fráköst í liðinu. 

Nýi maðurinn hefur leikið í efstu deild í Frakklandi og Argentínu og vænta Grindvíkingar mikils af honum. 

• 1 blogg um fréttina

Bloggað um fréttina

• Gísli Foster Hjartarson: Erlendir leikmenn eins og skiptimiðar