Shaq hefur „klúðrað“ yfir 5.000 vítaskotum

Shaquille O'­Neal, miðherji Phoen­ix Suns í NBA-deild­inni, hef­ur nú náð þeim vafa­sama áfanga að hafa „klúðrað“ 5.000 víta­skot­um í venju­leg­um deild­ar­leikj­um á ferl­in­um. Aðeins Wilt Cham­berlain er ofar en Shaq á þess­um lista en Wilt hitti ekki úr 5,805 víta­skot­um í deild­ar­leikj­um og 6,057 víta­skot­um ef leik­ir í úr­slita­keppni eru tald­ir með. Shaq og Wilt eru einu leik­menn­irn­ir í sögu NBA sem hafa náð þess­um „áfanga“ en víta­nýt­ing Shaq er eins og gef­ur að skilja slök eða 52,5% nýt­ing.

Sam­kvæmt út­reikn­ing­um ESPN-frétta­stof­unn­ar er allt eins lík­legt að Dwig­ht How­ard, miðherji Or­lando Magic, bæti þessi met. How­ard er aðeins 23 ára en hann hef­ur „klúðrað“ 1.142 víta­skot­um á ferl­in­um. Ef hann bæt­ir ekki víta­nýt­ing­una verður hann bú­inn að slá met Shaq og Wilt eft­ir 9 ár eða svo.

Til sam­an­b­urðar má nefna að liðsfé­lagi Shag í Suns, Kan­adamaður­inn Steve Nash er með um 90% víta­nýt­ingu á ferl­in­um. Hann hef­ur aðeins „klúðrað“ 253 víta­skot­um í 883 leikj­um á ferl­in­um. Tólf bestu víta­skytt­ur NBA frá upp­hafi hafa sam­an­lagt tekið 45,137 víta­skot og þeir hafa sam­an­lagt ekki náð að brenna af eins mörg­um víta­skot­um og Shaq.