Íþróttir | Körfubolti | mbl | 1.2.2009 | 10:39

NBA: Lakers áfram á sigurbraut

Pau Gasol skoraði 24 stig fyrir Lakers. Reuters

Kobe Bryant skoraði 25 stig fyrir Lakers og Pau Gasol 24 þegar liðið sigraði Memphis, 115:98, á útivelli í NBA-deildinni í körfuknattleik í nótt. Lakers er á góðu skriði en ekki verður það sama sagt um Memphis en liðið hefur nú tapað 12 leikjum í röð.

Brandon Roy skoraði 30 stig fyrir Portland sem skellti Utah á heimavelli, 122:108.

Þjóðverjinn Dirk Nowitzki fór fyrir Dallas sem sigraði Miami á útivelli, 111:96. Nowitzki skoraði 30 stig og Dwayne Wade gerði sömuleiðis 30 stig fyrir Miami.

Kínverjinn Yao Ming skoraði 25 stig fyrir Houston sem vann Golden State á heimavelli, 110:93.

Úrslitin í nótt:

Philadelphia - New Jersey  83:85
Indiana - New York 113:122
Miami - Dallas  96:111
Washington - LA Clippers 106:94
Memphis - LA Lakers  98:115
Houston - Golden State 110:93
Milwaukee - Atlanta 110:107
San Antonio - New Orleans 106:93
Phoenix - Chicago 111:122
Portland - Utah 122:108