NBA: Lakers á sigurbraut

Los Ang­eles Lakers fagnaði sigri gegn Gold­en State, 129:121, í NBA-deild­inni í körfuknatt­leik í nótt. Þetta var 13. sig­ur­leik­ur Lakers í síðustu 15 leikj­um en liðið hef­ur unnið 44 leiki á tíma­bil­inu en tapað 10.

Kobe Bry­ant skoraði 30 stig fyr­ir Lakers og næst­ur kom Pau Gasol með 23 stig en hann tók 13 frá­köst í leikn­um. Jamal Craw­ford skoraði 23 fyr­ir Gold­en State sem lengi vel hafði yf­ir­hönd­ina í leikn­um.

Le­Bron James skoraði 20 stig fyr­ir Cleve­land, tók 9 frá­köst og átti 9 stoðsend­ing­ar þega rliðið sigraði Toronto, 93:76. Lit­há­inn Zydrunas Ilgauskas var stiga­hæst­ur hjá Cleve­land með 22 stig.

Josh How­ard skoraði 24 stig fyr­ir Dallas og þeir Ja­son Kidd og Dirk Nowitzski 23 stig hver þegar liðið bar sigur­orð af New Jers­ey, 113:98.

Amare Stou­demire fór mik­inn fyr­ir Phoen­ix þegar liðið lagði LA Clip­p­ers, 142:119. Stou­demire skoraði 42 stig og tók 10 frá­köst en hann hitti úr 15 af 20 skot­um utan að velli.

Úrslit­in í nótt:

Den­ver - Phila­delp­hia 101:89
Char­lotte - Indi­ana 103:94
Cleve­land - Toronto 93:76
Minnesota - Miami 111:104
Chicago - Milwaukee 113:104
New Or­le­ans - Or­lando 117:85
Dallas - New Jers­ey 113:98
Port­land - Memp­his 94:90
Atlanta - Sacra­mento 105:100
LA Lakers - Gold­en State 129:121
Phoen­ix - LA Clip­p­ers 142:119

• 2 blogg um frétt­ina

Bloggað um frétt­ina

• Gísli Foster Hjart­ar­son: Sama í mat­inn og ....
• Emmcee: Phoen­ix myrða Clip­p­ers ann­an leik­inn í röð