Dönsk landsliðskona í raðir Hauka

Íslandsmeistaralið Hauka í körfuknattleik hefur fengið liðsstyrk fyrir lokakafla Íslandsmótsins. Danska landsliðskonan Kiki Jean Lund mun leika sinn fyrsta leik með Haukum á morgun gegn Val en hún getur leikið sem skotbakvörður eða framherji.

Hún er 26 ára gömul, 1.81 m. á hæð og hefur á undanförnum tveimur árum leikið sem atvinnumaður á Spáni með Iniexsa Cáceres og Arranz Jopisa Burgos. Hún var í bandaríska háskólaliðinu Daytona á árunum 2005-2008.

Haukar eru í sjötta sæti deildarinnar en Njarðvík er þar fyrir ofan með 8 stig og Keflavík er í fjórða sæti með 10. stig.

• 1 blogg um fréttina

Bloggað um fréttina

• SportTV.is: Spennandi seinni hluti mótsins framundan