Lakers steinlá í San Antonio
Setja bókamerki
San Antonio Spurs er á mikilli siglingu í NBA-deildinni í körfuknattleik þessa dagana og undirstrikaði það í nótt með stórsigri á meisturum Los Angeles Lakers, 105:85.
Lið Lakers var reyndar vængbrotið því Pau Gasol missti af fimmta leiknum í röð og Kobe Bryant fór af velli seint í þriðja leikhluta vegna bakmeiðsla en hann hafði þá ekki reynt eitt einasta skot allan seinni hálfleikinn. Þetta var þriðja tap Lakers í þeim fimm leikjum sem Gasol er ekki með liðinu.
Tim Duncan skoraði 25 stig fyrir San Antonio og Tony Parker 22, auk þess sem varamenn liðsins gerðu heil 33 stig í leiknum. Andrew Bynum skoraði 23 stig fyrir Lakers.
Lakers er þó áfram með besta árangurinn í deildinni, 29 sigra og 9 töp, eða 76,3 prósent. Cleveland er næst með 75 prósent.
Úrslitin í nótt:
Charlotte - Houston 102:94
Washington - Detroit 90:99
Memphis - LA Clippers 104:102
San Antonio - LA Lakers 105:85
Sacramento - Orlando 88:109
„Ég hef verið kjaftaskur mikill“
Skotinn til bana við skyldustörf
„Sársauki okkar er nístandi“
Viljum hvorki vera Danir né Bandaríkjamenn
Ekki of seint að fá inflúensusprautuna
Stefnt að afgreiðslu Íslandsbankasölu á vorþingi
Þykir gott að flóðin féllu