Vince Carter til Phoenix

Gamla kempan Vince Carter er kominn til Phoenix Suns í leikmannaskiptum þar sem nokkrir þekktir leikmenn skiptu um vinnuveitendur í bandaríska NBA körfuboltanum um helgina. Tyrkinn Hedo Turkoglu er kominn aftur til Orlando.

Orlando Magic sem er eitt sterkasta lið deildarinnar tekur miklum breytingum. Þeir láta Vince Carter fara ásamt þeim Rashard Lewis, Mickael Pietrus og Marcin Gortat. Til sín fengu þeir Gilbert Arenas, Hedo Turkoglu, Jason Richardson og Earl Clark. Tyrkinn Turkoglu er því kominn aftur til Orlando en hann átti stóran þátt í velgengni liðsins vorið 2009 þegar félagið fór alla leið í úrslit.

Phoenix lét þá Hedo Turkoglu, Jason Richardson og Earl Clark fara en fékk í staðinn Mickael Pietrus og Marcin Gortat auk Carters.

Washington Wizards missti spón úr aski sínum í Gilbert Arenas en fékk Rashard Lewis í staðinn.

• 1 blogg um fréttina

Bloggað um fréttina

• Gísli Foster Hjartarson: Að vera á tánum