Íþróttir | Körfubolti | mbl | 21.3.2011 | 7:28

Lakers tryggði sér toppsætið

Andrew Bogut hjá Milwaukee treður boltanum í körfuna hjá New York í leik liðanna í nótt. Reuters

Los Angeles Lakers tryggði sér sigur í Kyrrahafsriðli NBA-deildarinnar í körfubolta í nótt með því að sigra Portland Trail Blazers, 84:80, í Staples Center. Þetta var 12. sigur Lakers í 13 síðustu leikjunum og liðið virðist ætla að mæta öflugt í úrslitakeppnina þar sem það á meistaratitil að verja.

Kobe Bryant skoraði 22 stig fyrir Lakers og Lamar Odom 16, og Pau Gasol tók 13 fráköst. Nicolas Batum skoraði 25 stig fyrir Portland.

Dirk Nowitzki skoraði 20 stig fyrir Dallas Mavericks sem vann Golden State Warriors auðveldlega, 101:73.

Úrslitin í nótt:

Washington - New Jersey 98:92
Atlanta - Detroit 104:96
Milwaukee - New York 100:95
Minnesota - Sacramento 95:127
LA Clippers - Phoenix 99:108
Houston - Utah 110:108
Oklahoma City - Toronto 93:95
Dallas - Golden State 101:73
LA Lakers - Portland 84:80