Fannar Freyr í tveggja leikja bann

Fannar Freyr Helgason leikmaður úrvalsdeildarliðs Stjörnunnar í körfuknattleik var í dag úrskurðaður í tveggja leikja bann af Aga- og úrskurðarnefnd Körfuknattleikssambands Íslands. Bannið tekur gildi strax og verður Fannar því ekki með Garðabæjarliðinu í kvöld þegar það mætir Grindvíkingum í öðrum leik liðanna í undanúrslitum Iceland Express-deildarinnar.

Það voru Keflvíkingar sem sendu inn kæru til KKÍ vegna atviks sem átti sér stað í viðureign Keflavíkur og Stjörnunnar í átta liða úrslitunum en í leiknum gaf Fannar einum leikmanni Keflavíkurliðsins olnbogaskot.

Sjá dóminn

• 1 blogg um fréttina

Bloggað um fréttina

• Friðrik Friðriksson: Réttlætið náði fram að ganga