Keflavík fær mikla skyttu til kvennaliðsins

Kvennalið Kefla­vík­ur í körfuknatt­leik hef­ur fengið til sín banda­rísk­an leik­mann, Jessicu Jenk­ins, að nafni. Jenk­ins var í sterku há­skólaliði í Banda­ríkj­un­um hjá St. Bona­vent­ure Uni­versity og komst liðið í sex­tán liða úr­slita í NCAA-deild­inni.

Frá þessu er greint á heimasíðu fé­lags­ins og þar seg­ist Sig­urður Ingi­mund­ar­son, þjálf­ari Kefla­vík­ur, von­ast til þess að hún sé síðasti hlekk­ur­inn í keðju meist­araliðs: „Við erum spennt yfir því að fá þessa beittu skyttu til liðs við okk­ar unga Kefla­vík­urlið. Við von­umst til að hún sé síðasti hlekk­ur­inn í keðjunni sem draga mun titl­ana aft­ur til Kefla­vík­ur, þangað sem þeir eiga heima.“

Á heimasíðu Kefla­vík­ur seg­ir jafn­framt að Jenk­ins sé mik­il skytta. Svo góð raun­ar að hún hafi verið í 13. sæti yfir flest­ar þriggja stiga körf­ur í há­skóla­bolt­an­um.

• 1 blogg um frétt­ina

Bloggað um frétt­ina

• Gísli Foster Hjart­ar­son: Met­in eru sleg­in hvert af öðru.....