Íþróttir | Körfubolti | mbl | 22.11.2012 | 7:59 | Uppfært 9:01

Félagsmet féllu hjá Indiana Pacers

Roy Hibbert ver skot. AFP

Paul George og Roy Hibbert settu báðir félagsmet þegar lið þeirra Indiana Pacers sigraði New Orleans Hornets 115:107 í NBA-deildinni í körfuknattleik í nótt.

George hitti úr níu þriggja stiga skotum sem er félagsmet og skoraði alls 37 stig í leiknum. Hibbert náði þrefaldri tvennu og varði hvorki fleiri né færri en ellefu skot sem einnig er félagsmet.

Alls fóru þrettán leikir fram í deildinni í nótt og tapaði LA Lakers fyrir Sacramento Kings á útivelli. Þá vann Houston Rockets lið Chicago Bulls. Liðin sem spiluðu til úrslita í fyrra, Miami Heat og Oklahoma City Thunder, þurftu bæði að fara í framlengingu en höfðu bæði sigur.

Úrslit næturinnar:

Charlotte - Toronto 98:97

Orlando - Detroit 90:74

Cleveland - Philadelphia 92:83

Indiana - New Orleans 115:107

Boston - San Antonio 100:112

Atlanta - Washington 101:100

Miami - Milwaukee 113:106

Oklahoma - LA Clippers 117:111

Houston - Chicago 93:89

Minnesota - Denver 94:101

Dallas - New York 114:111