Sigrún Sjöfn samdi við sænska silfurliðið

Sigrún Sjöfn Ámundadóttir landsliðskona í körfuknattleik hefur samið við sænska úrvalsdeildarfélagið Norrköping Dolphins. Hún kemur til félagsins frá KR.

Sigrún Sjöfn er 26 ára og lék síðast erlendis þegar hún var leikmaður OSSG í frönsku C-deildinni tímabilið 2010-2011.

Norrköping varð sænskur meistari 2013 og í vor komst liðið í úrslitaeinvígi við Northland um meistaratitilinn en tapaði því 3:0.

„Sigrún er hæfileikaríkur og afar reyndur leikmaður. Við munum njóta góðs af því enda eru flestir leikmenn í deildinni frekar ungir. Ég var að leita að leikmanni sem gæti skotið fyrir utan og tekið fráköst, og Sigrún passar vel við þá uppskrift,“ sagði Jesper Sundberg þjálfari Norrköping.

Á síðasta tímabili skoraði Sigrún að meðaltali 16,3 stig fyrir Norrköping, tók 10,8 fráköst og átti 3,1 stoðsendingu, sem undirstrikar hve stórt skarð hún skilur eftir sig í Vesturbænum.

• Blogga um frétt