Jón Arnór Stefánsson, landsliðsmaður í körfuknattleik mun ekki leika áfram með liði Unicaja Málaga í efstu deild spænska körfuboltans á komandi leiktíð. Frá þessu greindi Jón Arnór Á Twitter-aðgangi sínum í kvöld.
Unicaja Málaga stóð sig vel á síðustu leiktíð og Jón fékk stórt hlutverk hjá liðinu þó hann hafi ekki samið fyrr en deildin var að hefjast.
Liðið hafnaði í 3. sæti í deildakeppninni með jafnmörg stig og Barcelona sem varð í 2. sæti. Barca sló Málaga síðan út í undanúrslitum eftir spennandi oddaleik. Málaga komst auk þess í 16-liða úrslit Meistaradeildarinnar
Tíst Jóns frá því í dag:
No seguiré en @unicajaCB Solo me queda dar las gracias al club y afición. No olvidaré los buenos momentos. Un abrazo para todos!
— Jón Arnór Stefánsson (@jonstef9) August 11, 2015