Stórlið Boston Celtics er komið í 3:1 í einvígi sínu gegn Cleveland Cavaliers í undanúrslitum Austurdeildar NBA-deildar karla í körfuknattleik eftir sigur í Cleveland, 109:102, í nótt.
Boston þarf því aðeins einn sigur til að tryggja sér í úrslitaeinvígið austanmegin.
Jayson Tatum fór mikinn annan leikinn í röð en hann skoraði 33 stig, tók ellefu fráköst og gaf fimm stoðsendingar.
Hjá Cleveland skoraði Darius Garland 30 stig.
Næsti leikur liðanna fer fram aðfaranótt fimmtudags.