Nurmagomedov og McGregor báðir í bann
Setja bókamerki
Kahib Nurmagomedov og Conor McGregor hafa báðir verið settir í tímabundið keppnisbann vegna þess sem gekk á eftir bardaga þeirra í UFC aðfaranótt síðasta sunnudags.
Eins og áhugafólk um UFC þekkir brutust út slagsmál að bardaganum loknum þar sem liðsfélagar kappanna blönduðu sér í málið og útkoman varð heldur slæm auglýsing fyrir UFC sem nýtur mikilla vinsælda víða um heim.
ESPN greinir frá keppnisbanninu og segir það tímabundið en rannsókn á atburðunum stendur yfir.
Nurmagomedov átti í útistöðum við mann úr herbúðum McGregor og McGregor virðist hafa slegið mann úr herbúðum Nurmagomedov að fyrra bragði. Nurmagomedov hefur lýst því yfir að fái hans liðsfélagar keppnisbann þá muni hann sjálfur hætta keppni í mótmælaskyni og segir sjónvarpsmyndir og ljósmyndir sýna að McGregor hafi slegið liðsfélaga sinn að fyrra bragði.
Búist er við niðurstöðu í málinu 24. október.
Sendi nektarmyndir af dreng sem hann passaði
Vinna hefst í dag við að reisa undirstöður
Hvatti kjósendur til þess að greiða ógild atkvæði
Auka aðgengi að Grindavík
Átta flokkar næðu inn
„Við vöknuðum við hljóð frá sprengingum“
Dæla, kæla og verja mikilvæg mannvirki
Vonir bundnar við morgundaginn