Ólafur: „Við kláruðum þetta skref“

„Við kláruðum þetta skref. Það voru bara tvær leiðir, önn­ur upp og hin niður. Við fór­um upp en það hefst strax und­ir­bún­ing­ur að næsta verk­efni. Við „tjöld­um“ kannski aðeins og njót­um augna­bliks­ins en svo pökk­um við sam­an öllu drasl­inu og höld­um áfram,“  sagði Ólaf­ur Stef­áns­son fyr­irliði ís­lenska landsliðsins í hand­knatt­leik eft­ir 32:30-sig­ur liðsins gegn Pól­verj­um. Íslend­ing­ar eru þar með komn­ir í undanúr­slit í annað sinn í sög­unni.

„Helsti mun­ur­inn á þessu liði og því liði sem vor­um með fyr­ir fjór­um árum í Aþenu er sá að það eru all­ir með. Fyr­ir fjór­um árum var ég sjálf­ur að spila mjög vel og ég held ég hafi sjald­an spilað bet­ur. Samt vor­um við að tapa leikj­un­um. Hér í Pek­ing er ég stund­um að spila á 50% getu í sum­um leikj­um en við við eru samt að vinna og það er frá­bært merki. Ég get því bara sleppt bolt­an­um og látið hann ganga, og ég þarf ekk­ert að vera „þröngva“ skot­um eða slíkt,“  sagði Ólaf­ur en hann skoraði 4 mörk úr 8 skottilraun­um.  

• 1 blogg um frétt­ina

Bloggað um frétt­ina

• Snorri Bergz: Ger­um okk­ar, ger­um okk­ar, ger­um okk­ar besta