Ísland og Spánn á risaskjá í Vetrargarðinum

 Íslenska þjóðin tal­ar vart um annað en ís­lenska landsliðið í hand­knatt­leik og víst er þorri henn­ar mun fylgj­ast með leik Íslend­inga og Spán­verja í undanúr­slit­um Ólymp­íu­leik­anna sem fram fer klukk­an 12.15 að ís­lensk­um tíma á morg­un. Vænt­an­lega verður mik­il stemn­ing í Vetr­arg­arðinum í Smáralind en leikn­um verður sjón­varpað þar á risa­skjá.

Útsend­ing­in verður í sam­vinnu við RÚV sem mun senda út beinni út­send­ingu í Vetr­arg­arðinum spjall við hand­bolta­spek­inga fyr­ir leik og í hálfleik og aðal­núm­erið verður svo leik­ur­inn við Spán­verja en með sigri í þeim tryggja Íslend­ing­ar sér rétt­inn til að spila um gull­verðlaun­in en fari Spán­verj­ar með sig­ur af hólmi leika Íslend­ing­ar um bronsverðlaun­in.

Henn­ing Freyr Henn­ings­son fram­kvæmda­stjóri Smáralind­ar seg­ir að ekki komi sér á óvart að um 2000 manns muni mæta í Vetr­arg­arðinn í há­deg­inu á morg­un til að berja leik Íslend­inga og Spán­verja aug­um og upp­lifa stemn­ingu sem mun skap­ast á meðan leikn­um stend­ur.

• 3 blogg um frétt­ina

Bloggað um frétt­ina

• Jac Norðquist: Fyr­ir­gefið mér.....
• Ólaf­ur Als: Land­inn taki dreng­ina sér til fyr­ir­mynd­ar
• Ásta Krist­ín Norrm­an: Gam­an að vera ís­lend­ing­ur í út­lönd­um núna!