„Þetta gæti endað stórkostlega“

Al­freð Gísla­son, fyrr­ver­andi þjálf­ari ís­lenska landsliðsins í hand­bolta, var í sjö­unda himni þegar Morg­un­blaðið leitaði viðbragða hans eft­ir frá­bær­an sig­ur Íslend­inga gegn Pól­verj­um í átta liða úr­slit­um í hand­knatt­leikskeppni Ólymp­íu­leik­anna í Pek­ing í gær.

,,Þetta var frá­bær leik­ur hjá strák­un­um og ég er virki­lega ánægður með hvernig þetta hef­ur gengið hjá liðinu. Vörn­in hef­ur verið fantagóð, markvarsl­an er í ágætu standi, sókn­ar­leik­ur­inn hef­ur verið fínn og stemn­ing­in í liðinu ein­stak­lega góð. Þetta gæti endað með ein­hverju stór­kost­legu,“ sagði Al­freð við Morg­un­blaðið en hann fylgd­ist með leikn­um í sjón­varpi á hót­eli í Þýskalandi. Hann er sem kunn­ugt er tek­inn við þjálf­un þýska stórliðsins Kiel og er á fullu í und­ir­bún­ingi með lið sitt fyr­ir tíma­bilið.

Ítar­legt viðtal er við Al­freð í íþrótta­blaði Morg­un­blaðsins sem kom út í morg­un.