IHF vísar kæru Suður Kóreu frá
Setja bókamerki
Alþjóða handknattleikssambandið, IHF, hefur vísað frá kæru Suður Kóreumanna vegna sigurmarks Noregs í undanúrslitaleiknum við Suður Kóreu í gær í handknattleikskeppni kvenna á Ólympíuleikunum. IHF segir enga ástæðu til að fjalla um málið þar sem sigurmarkið var skorað áður en leiktíminn rann út. Suður Kóreumenn eru á annarri skoðun.
Suður Kórea jafnaði leikinn við Noreg, 28:28, þegar sex sekúndur voru eftir. Norska liðið rauk strax í sókn og Gro Hammerseng skoraði sigurmarkið, 29:28, með langskoti í þann mund sem leiktíminn rann út. Dómarar og eftirlitsmaður voru aldrei í vafa um að markið væri gott og gilt og markið því látið standa. Við það vildu forráðamenn liðs Suður Kóreu ekki una en ekki verður semsagt hlustað á mótmæli þeirra í herbúðum IHF.
Norðmenn leika við Rússa til úrslita á morgun og Suður Kórea mætir Ungverjalandi í leik um þriðja sætið.
Létu lofthræðsluna ekki á sig fá
„Við vöknuðum við hljóð frá sprengingum“
Börnin eiga að ýta við foreldrum sínum
Fundur hafinn hjá kennurum, ríki og sveitarfélögum
Ekki hægt að slá gosið út af borðinu strax
Dæla, kæla og verja mikilvæg mannvirki
Auka aðgengi að Grindavík
Fæðuöryggi: „Áttum mat í þrjár vikur“