Rússar leika um 5. sætið

Rúss­ar leika um 5. sætið í hand­knatt­leikskeppni karla á Ólymp­íu­leik­un­um í Pek­ing. Það varð ljóst í morg­un þegar þeir unnu Dani, 28:27, eft­ir að hafa verið þrem­ur mörk­um yfir í hálfleik, 17:14. Rúss­ar mæta Pól­verj­um, sem lögðu Suður Kór­eu, 29:26. Rúss­ar skoruðu þrjú síðustu mörk­in í leikn­um við Dani sem voru með tveggja marka for­skot þegar tvær mín­út­ur voru eft­ir af leiktím­an­um.

Dan­ir spila þar með um 7. sætið við Suður-Kór­eu aðfaranótt næsta sunnu­dags að ís­lensk­um tíma.

Rúss­ar höfðu frum­kvæðið fram­an af leik við Dani en Evr­ópu­meist­ar­arn­ir sóttu í sig veðrið í síðari hálfleik og tókst að kom­ast yfir þegar um tíu mín­út­ur voru eft­ir. Þegar tvær mín­út­ur voru eft­ir höfðu Dan­ir tveggja marka for­skot, 27:25, en Rúss­arn­ir sýndu mikla seiglu á lokakafl­an­um og skoruðu þrjú síðustu mörk­in.

Lars Christian­sen skoraði 8 mörk fyr­ir Dani og var marka­hæst­ur. Næstu hon­um við marka­skor­un voru þeir Jesper Nöddes­bo og Kasper Sønd­ergård með sex mörk hvor.   Tim­ur Bibirov skoraði mest fyr­ir Rússa, átta mörk.

Ef marka má um­fjöll­un danskra fjöl­miðla virt­ist danska liðið lít­inn áhuga hafa á leikn­um. Haft er eft­ir Ulrik Wil­bek, þjálf­ara, að nokkr­ir leik­mann­anna hafi ekki verið and­lega und­ir­bún­ir und­ir þenn­an leik.

• 2 blogg um frétt­ina

Bloggað um frétt­ina

• Pét­ur Orri Gísla­son: Rúss­ar kvitta fyr­ir á best­an mögu­lega máta.
• Gísli Foster Hjart­ar­son: Dan­ir falla i verði