„Ísland tekur Frakkar á bólið"

Hand­bolti hef­ur sjald­an eða aldrei fengið jafn­mikla um­fjöll­un í heim­spress­unni og nú síðustu daga og það er Íslend­ing­um að þakka. Ekki er annað að merkja en að all­ir - nema auðvitað Frakk­ar - von­ist eft­ir því að Íslend­ing­um tak­ist að tryggja sér ólymp­íug­ullið í úr­slita­leikn­um í Pek­ing á morg­un.

Nokkr­ir af stærstu banda­rísku fjöl­miðlun­um, þar á meðal ABC, New York Times, Washingt­on Post, USA Today og Nati­onal Pu­blic Radio, hafa fjallað um ís­lenska hand­bolta­landsliðið síðustu daga og samt er hand­bolti nán­ast óþekkt íþrótt þar í landi. Bresk­ir fjöl­miðlar, þar á meðal BBC, hafa einnig gert ár­angri Íslend­inga góð skil og ekki er held­ur hægt að segja að hand­bolti sé þjóðaríþrótt þar í landi.

Nor­ræn­ir fjöl­miðlar fjölluðu nán­ast all­ir um sig­ur Íslands á Spán­verj­um og í dag hef­ur um­fjöll­un­in haldið áfram. Sem dæmi um hana má nefna að blaðamaður norska rík­is­út­varps­ins seg­ir, að eft­ir gull­verðlaun norska kvenna­landsliðsins í hand­bolta í dag sé kannski hægt að leyfa sér að vona að Ísland leiki það eft­ir á morg­un.

Og Christel Behrmann, íþrótta­rit­stjóri sænska vefjar­ins Skånska.se, blogg­ar í dag frá Pek­ing og seg­ir að Norður­landa­bú­ar þar séu aðallega með hug­ann við hand­bolt­ann nú. „Ísland gegn Frökk­um í úr­slit­um, hugsið ykk­ur ef Íslend­ing­arn­ir vinna, þá verður það fyrsta ís­lenska ólymp­íug­ullið."

Danska blaðið Politiken spyr les­end­ur sína í dag hvort þeir telji að Íslend­ing­ar hafi það sem þurfi til að vinna Frakka. Svör­in eru al­mennt já­kvæð og þessi les­andi er að minnsta kosti ekki í vafa:

„Ísland tek­ur frakk­ar á bólið og vinn­ur dyst­in í morg­in! Haldið á, Ísland!" Und­ir þetta skrif­ar Mal­an Matras Joen­sen í Þórs­höfn í Fær­eyj­um.

Leik­ur­inn við Frakka hefst klukk­an 7:45 í fyrra­málið og hon­um verður lýst í beinni texta­lýs­ingu á mbl.is.

• 12 blogg um frétt­ina

Bloggað um frétt­ina

• Brynj­ar Jó­hanns­son: Blogg­færsla um ríðing­ar.
• Pét­ur Orri Gísla­son: Mikið rosa­lega þykir mér vænt um Fær­ey­inga.
• Jóna Kol­brún Garðars­dótt­ir: Fær­eysk­an er ynd­is­legt tungu­mál
• Ólaf­ur Als: Skyld­leiki ís­lenskra íþróttaf­rétta­manna og Skandi­nava.
• Björg­vin Guðmunds­son: Er­lend­ir fjöl­miðlar já­kvæðir Íslandi í hand­bolt­an­um
• Krist­inn Sig­ur­jóns­son: Hand­bolt­inn ný út­flutn­ings­var
• Gunn­laug­ur B Ólafs­son: Þjóðaríþrótt­in
• Ská­holt: Sann­ir Íslend­ing­ar og þjóðarger­semi.
• Ómar Ragn­ars­son: Sem bet­ur fer eng­in Frakka­grýla.
• Hvíti Ridd­ar­inn: Frá­bær fyr­ir­sögn!
• Snorri Bergz: Mál­in skýr­ast
• Hall­dór Sig­urðsson: Jæja - í fyrsta sinn sem ég fer á .......