Þrefalt hjá Bandaríkjamönnum í brekkufimi

Bandaríkjamenn voru að vinna þrefaldan sigur í brekkufimi á Vetrarólympíuleikunum í Sotsjí en í dag er sjötti keppnisdagur á leikunum.

Joss Christensen varð ólympíumeistari, Gus Kenworthy vann silfurverðlaunin og bronsverðlaunin féllu Nicholas Goepper. Næstur á eftir Bandaríkjamönnunum þremur kom svo Norðmaðurinn Andreas Haatveit.

Þetta er í fyrsta skipti sem keppt er í þessari íþrótt á Vetrarólympíuleikunum og óhætt er að segja að keppendur hafi sýnt glæsileg tilþrif þar sem þeir gerðu hinar ýmsu kúnstir á skíðunum.

Joss Christensen er hér í æfingum sínum. AP

• 1 blogg um fréttina

Bloggað um fréttina

• Torfi Kristján Stefánsson: Dómarasport?