Glæsileg tilþrif á skautum (myndir)

Keppni í listhlaupi á skautum á WOW Reykjavik International Games fór fram í Skautahöllinni í Laugardal um helgina. Um 90 keppendur tóku þátt þar af um 40 erlendir af 15 mismunandi þjóðernum. Í kvennaflokki (senior ladies) sigraði Karly Robertson frá Bretlandi og í drengjaflokki (junior men) Yamato Rowe frá Filippseyjum.

Ísland átti ekki keppendur í elsta flokknum en níu íslenskar stúlkur tóku þátt í næstelsta flokknum (junior ladies). Í þeim flokki sigraði Morgan Flood frá Azerbaijan en efst íslensku stúlknanna var Eva Dögg Sæmundsdóttir sem var í 4. sæti. Einnig var keppt í flokkum yngri skautara og má finna öll úrslit keppninnar á iceskate.is.

Mótið um helgina var sérlega vel heppnað og mikil ánægja með fjölda erlendra þátttakenda. Mörg glæsileg tilþrif sáust á svellinu eins og meðfylgjandi myndir sem teknar voru á sunnudaginn bera með sér.