Tóku kvótann á fjórum tímum í Korpu

Korpa er komast í góðan gang og nýtur þess að vera í frábæru gönguvatni en mikið af laxi hefur verið að ganga í ána síðustu daga.

Við kíktum aðeins í nokkra veiðistaði í gærmorgun og þá voru líklega um 20-30 laxar í Berghyl, allir nýgengnir í ána.  Þegar sami staður var skyggndur nokkrum tímum síðar var hann tómur en næstu staðir þar fyrir ofan aftur á móti með nokkra laxa í hverjum hyl.  Laxinn virðist stoppa mjög lítið á neðstu stöðunum þegar svona gott vatn er í ánni og gengur hratt upp eftir. Júlíus Ásbjörnsson kíkti í ána ásamt vöskum félögum sínum í gær og voru þeir búnir að ná kvótanum, sem er átta laxar, eftir aðeins fjóra tíma við ána.  Samkvæmt Júlíusi var lax í flestum veiðistöðum alveg frá ós og upp að stíflu.  Töluvert er laust í ána í júlí og það má benda áhugasömum að skoða lausa daga á heimasíðu leigutaka www.hreggnasi.is

• Blogga um frétt

Seinustu hundraðkallar sumarsins