Fyrstu laxarnir úr Hvannadalsá

Á vef Lax-a sem annast sölu á veiðileyfum í Hvannadalsá og Langadalsá er sagt frá því nú horfir betur við og vatn sé tekið að sjatna í báðum ánum. Langadalsá mun vera í flottu vatni og en er enn helst til köld, en hún hafði í gær gefið 13 laxa. Hins vegar er Hvannadalsá er enn mjög vatnsmikil en er þó tær.

Greint er frá ferð þeirra félaga Ágústs Heimi og Atla Árdal sem náðu fyrstu löxunum úr Hvannadalsá í síðustu viku. Greindu þeir frá því að gríðarlega mikið vatn hefði verið í öllum ánum í inndjúpinu og Hvannadalsáin hefði nánast verið óveiðandi fyrstu daganna.

Þeim hafði þó tekist að veiða fyrsta laxinn í ómerktum stað skammt fyrir ofan Langholtsfljóti á fyrstu vaktinni sem reyndist vera grálúsug hrygna 75 sentímetra hrygna. Daginn eftir hefðu þeir misst lax í Djúpafossi í miklu vatni eftir snarpa baráttu og þar sáu nokkra til viðbótar.

Það var svo síðasta daginn sem þeir settum í 85 sentímetra hrygnu í Djúpafossi og sem landað var niður í Árdalsfljóti. Fram kom hjá þeim að vatnsmagnið væri óðum að sjatna.