Alcan fjárfestir í álverum í Kanada

Alcan Inc., móðurfélag álversins í Straumsvík og annar stærsti álframleiðandi í heimi, ætlar að fjárfesta fyrir um 1,8 milljarða Bandaríkjadollara, eða liðlega 120 milljarða íslenskra króna, í álframleiðslu í Quebec-fylki í Kanada. Gert er ráð fyrir að framleiðslugeta fyrirtækisins í Quebec muni aukast um 450 þúsund tonn við þessar fjárfestingar. Frá þessu er greint í frétt á fréttavef Bloomberg-fréttastofunnar.

Segir í fréttinni að fylkisstjórnin í Quebec muni útvega Alca 30 ára vaxtalaust lán að fjárhæð 400 milljónir Kanadadollara, um 24 milljarða íslenskra króna, til að styðja við bygginga nýrra álvera. Fyrirtækið muni jafnframt njóta 112 milljóna Kanadadollara skattaívilnunar, liðlega 6 milljarða króna. Þá segir að samningar milli fylkisstjórnarinnar og Alcan geri ráð fyrir að þessar ívilnanir falli niður ef fyrirtækið flytur höfuðstöðvar sínar frá Quebec, eða ef það verður yfirtekið af öðru fyrirtæki.

Hátt verð á áli

Eins og fram hefur komið hefur Alcan lýst áhuga á að stækka álver fyrirtækisins í Straumsvík. Ekkert hefur þó verið ákveðið í þeim efnum.