Sölutekjur Nokia orðnar meiri en tekjur finnska ríkisins

Tekjur finnska farsímaframleiðandans Nokia eru orðnar meiri en tekjur finnska ríkisins. Fram kemur á fréttavef Bloombergs, að sölutekjur Nokia hafi á síðasta ári verið 41,1 milljarður evra, jafnvirði rúmlega 3700 milljörðum króna en tekjur finnska ríkisins voru 39,6 milljarðar evra.

Nokia birti í dag tölur um síðasta fjórðung ársins 2006, sem voru umfram væntingar fjárfesta. Hækkaði gengi bréfa Nokia um 5% í kjölfarið.

Fyrirtækið Nokia var stofnað árið 1865 og var upphafslega pappírsmylla. Fyrirtækið framleiddi lengi pappírsvörur og gúmmístígvél en árið 1982 hóf Nokia að framleiða bílasíma.

• 1 blogg um fréttina

Bloggað um fréttina

• Magnús Þór Friðriksson: Nokia er nú samt tæpur hálfdrættingur á við Baug!