Frumherji kaupir Aðalskoðun

Frumherji hf. hefur keypt allt hlutafé í bifreiðaskoðunarfyrirtækinu Aðalskoðun hf. Kaupverðið er trúnaðarmál en kaupin eru gerð með fyrirvara um að Samkeppniseftirlitið geri ekki athugasemdir við viðskiptin. Félögin verða rekin áfram sitt í hvoru lagi með sama hætti og verið hefur.

Í fréttatilkynningu segir að kaupin geri Frumherja betur í stakk búinn til að taka þátt í fjárfestingarverkefnum erlendis, og að slík verkefni hafa verið til skoðunar hjá félaginu.

Frumherji hf. var stofnaður árið 1997. Stefna félagsins er að vera leiðandi aðili á sviði faggildrar skoðunarstarfssemi á Íslandi. Nú kemur um helmingur tekna félagsins af bifreiðaskoðunarstarfsemi og afgangurinn frá annarri faggildri skoðanastarfssemi eins og löggildingu mælitækja, rafmagnseftirliti, reglubundnu eftirliti sjávarútvegsfyrirtækja og skipaskoðunum. Starfsmenn Frumherja eru um 100 á 28 skoðunarstöðvum um land allt.

Aðalskoðun var stofnuð árið 1995 af nokkrum einstaklingum sem jafnframt hafa verið starfsmenn félagsins allar götur síðan. Félagið starfar fyrst og fremst á bifreiðarskoðunarsviðinu en einnig er á þess vegum starfssemi á rafmagnssviði og sjávarútvegssviði. Starfsmenn Aðalskoðunar eru um 20.

• 3 blogg um fréttina

Bloggað um fréttina

• Hlynur Hallsson: Samkeppni, fákeppni og einokun
• Rúnar Haukur Ingimarsson: Samkeppni - hvað er það
• Magnús Helgi Björgvinsson: Þetta fer að verða norm hér á landi.