Æðstu yfirmenn Landsbankans með samtals 1,4 milljarða í laun og kaupauka

Bankaráð Landsbankans, bankastjórar og sautján framkvæmdastjórar deilda og dótturfyrirtækja bankans fengu samtals 1416 milljónir króna í laun og kaupréttarsamninga á síðasta ári, að því er kemur fram í ársskýrslu bankans.

Fram kemur að Halldór J. Kristjánsson, bankastjóri fái samtals 119 milljónir króna, þar af eru 29,2 milljónir króna grunnlaun. Sigurjón Þ. Árnason fékk samtals 153 milljónir, þar af 37,6 í grunnlaun, og Yngvi Örn Kristinsson, framkvæmdastjóri, hafi fengið 84 milljónir, þar af 21,2 milljónir í grunnlaun.

Björgólfur Guðmundsson, formaður bankaráðsins fékk 6 milljónir í laun og Kjartan Gunnarsson, varaformaður, 5 milljónir. Aðrir bankaráðsmenn fengu samtals 10 milljónir.

Þá kemur fram að 16 framkvæmdastjórar hafi samtals fengið 1039 milljónir króna í laun og starfstengdar greiðslur.

• 2 blogg um fréttina

Bloggað um fréttina

• Magnús Helgi Björgvinsson: Ekki hægt að segja að bankarnir og stjórar þeirra gangi …
• Óttarr Makuch: Hvar er Davíð Oddsson