Fjárfestar á öryggisflótta

Markaðir hafa tekið vel við sér í dag eftir mikinn taugatitring og niðursveiflu undanfarna daga. Hækkanir urðu á markaðnum í Shanghai í morgun, og þegar við opnun í Kauphöll Íslands sást þess merki þar.

Þórður Friðjónsson, forstjóri Kauphallarinnar, segir að íslenski markaðurinn gangi greinilega í takt við erlenda markaði, og að lækkunina sem orðið hafi á markaðnum hér undanfarið sé ekki hægt að rekja til neins nema lækkana á erlendum mörkuðum.

Í morgunkorni Glitnis í gær sagði að viðbrögð fjárfesta undanfarið hafi verið skólabókardæmi um flótta yfir í áhættuminni fjárfestingar, þegar þeir selji hlutabréf og kaupi skuldabréf í staðinn. Þetta sé svokallaður „öryggisflótti“.

• 2 blogg um fréttina

Bloggað um fréttina

• Sumarliði Einar Daðason: Hvað er öryggisflótti?
• Púkinn: Allt sem fer upp...