Baugur kaupir 17% hlut í Daybreak af 365

365 hefur selt Baugi Group 17% af atkvæðabæru hlutafé í Daybreak Holdco Limited, móðurfélagi Wyndeham Press Group Limited. 365 átti fyrir 36% af atkvæðabæru hlutafé.

Eftir söluna er bókfært verð hlutafjár í Daybreak í bókum 365 miðað við gengi dagsins um 1,2 milljarðar króna og atkvæðamagn hlutafjár 19%.

Söluverð er 9,1 milljónir punda og þar af eru 1,9 milljónir punda greiddar með peningum. Greiðsla eftirstöðva að fjárhæð 7,2 milljónir punda er þannig að af þeim arði og söluverðmæti sem Baugur fær af bréfunum fara 79% til 365 hf. en 21% til Baugs. Eignarhluturinn er seldur á bókfærðu verði, að því er segir í tilkynningu frá 365.

Salan er í samræmi við stefnu félagsins sem er að minnka fjárbindingu í hlutdeildarfélögum og draga úr sveiflum í rekstri.

• 1 blogg um fréttina

Bloggað um fréttina

• Snorri Bergz: Baugur selur Baugi?