Fyrirtækið Míla stofnað um fjarskiptanet Símans

Míla er nafn nýs fyrirtækis sem stofnað hefur verið um rekstur, uppbyggingu og viðhald fjarskiptanets Símans. Míla hefur formlega rekstur hinn 1. apríl næstkomandi en stofnun fyrirtækisins var samþykkt á aðalfundi Símans sem haldinn var í lok síðustu viku.

Á fundinum runnu tilteknir eignarhlutar í Símanum hf. og dótturfélögum Símans hf. inn í sérstakt hlutafélag, Skipti hf. sem verður móðurfélag samstæðunnar.

Míla tekur við þeirri starfsemi sem áður tilheyrði heildsölu Símans, viðhaldi og rekstri á fjarskiptanetinu og áframhaldandi þróun og uppbyggingu á því. Höfuðstöðvar Mílu verða á Stórhöfða 24-30, en starfsstöðvar verða á Akureyri, Ísafirði, Egilsstöðum og fleiri stöðum á landsbyggðinni, að því er segir í tilkynningu.

Starfsmenn Mílu eru 220 og framkvæmdastjóri þess er Páll Á Jónsson.

• 3 blogg um fréttina

Bloggað um fréttina

• Pétur Gunnarsson: Grunnnetið komið í leitirnar
• Magnús Helgi Björgvinsson: Það væri gaman að kynna sér hver var að ljúga …
• Ritstjóri: Hver laug að hverjum?