Alþjóðleg kauphöll á Íslandi

Kauphöllin á Íslandi varð í dag að alþjóðlegri kauphöll þegar Árni Mathiesen fjármálaráðherra hringdi opnunarbjöllu OMX Nordic Exchange á Íslandi við athöfn í Kauphöllinni.

Frá og með deginum í dag verða 25 skráð félög á Íslandi hluti af sameiginlegri kynningu sænskra, finnskra og danskra félaga sem eru skráð á aðalmarkað Nordic Exchange, að því er segir í Kauphallartíðindum.

Úrvalsvísitala Kauphallarinnar, ICEX-15, mun í dag breytast í OMXI15 og íslensk félög munu eiga möguleika á að fá skráningu í OMX Nordic 40 vísitöluna hinn 3. júlí nk. þegar næst verður valið í vísitöluna. Sú vísitala byggist á þeim félögum sem mest viðskipti eru með í Nordic Exchange.

Nordic Exchange er sjötta stærsta kauphöll Evrópu, með 712 skráð félög.

• 2 blogg um fréttina

Bloggað um fréttina

• Lára Stefánsdóttir: Alvöru kauphöll
• Reynir Jóhannesson: Erum við alþjóðleg?