Landsbankinn spáir vaxtalækkun um mitt ár

Greiningardeild Landsbankans segir, að niðurstaða íbúakosninganna í Hafnarfirði um helgina renni stoðum undir þá spá, að Seðlabankinn byrji að lækka stýrivexti sína í júlí þótt enn séu yfirgnæfandi líkur á því. að áframhald verði á stóriðjuframkvæmdum hér á landi á næstu árum.

Í Vegvísi Landsbankans segir hins vegar að óvissan um tímasetningu frekari stóriðjuframkvæmda sé hins vegar meiri en nokkru sinni. Hverfandi líkur séu á því, að í slíkar framkvæmdir verið ráðist fyrr en í fyrsta lagi á næsta ári. Jafnframt ætti að draga úr því efnahagslega ójafnvægi, sem Seðlabankinn hafi hvað mestar áhyggjur af.

„Svigrúm til vaxtalækkunar mun því koma í ljós fyrr en Seðlabankinn hyggur. Eftir því sem slíkar vísbendingar verða sterkari mun bankinn að okkar mati skipta um skoðun og flýta vaxtalækkunarferlinu," segir Greiningardeild Landsbankans.

• 1 blogg um fréttina

Bloggað um fréttina

• Lárus Vilhjálmsson: Stóriðjustefna er hávaxtastefna