Heimsmarkaðsverð á gulli stefnir í nýtt met

Hugsanlegt er að nýtt met verði slegið í heimsmarkaðsverði á gulli á næstu tólf mánuðum, að því er segir í frétt Financial Times. Vaxandi titringur á alþjóðavettvangi, gengislækkun bandaríkjadals og almennur áhugi fjárfesta á gulli eru sögð ástæður verðhækkunarinnar.

Þá bætist það við að eilítið hefur dregið úr gullgreftri í heiminum þannig að framboð er minna en ella.

Í fyrra náði heimsmarkaðsverð á gulli 730 bandaríkjadölum á únsuna og hafði ekki verið hærra í tuttugu og sex ár.