Olíuverð lækkaði í morgun

Verð á hráolíu lækkaði í morgun þegar viðskipti hófust í Asíu á ný eftir páskana. Er það aðallega rakið til þess að Íranar létu 15 breska sjóliða lausa úr haldi fyrir páska. Það dró hins vegar úr verðlækkuninni, að birgðastaða eldsneytis í Bandaríkjunum er frekar lág um þessar mundir.

Verð á hráolíu á markaði í New York lækkaði um 42 sent í morgun og er 63,86 dalir tunnan. Verð á Brent Norðursjávarolíu lækkaði í Lundúnum um 33 sent og var 67,91 dalur.

• 1 blogg um fréttina

Bloggað um fréttina

• Þorsteinn Gunnarsson: Bensín-lækkun yfirvofandi...