Iceland skiptir um andlit

Breska blaðið The Sun segir í dag, að verslunarkeðjan Iceland, sem er m.a. í eigu íslenskra fjárfesta, hafi ráðið systurnar Coleen og Bernie Nolan til að vera andlit fyrirtækisins í auglýsingum. Komi þær í stað Kerry Katona, fyrrum söngkonu Atomic Kitten, sem verið hefur andlit Iceland undanfarin tvö ár.

Kerry, sem er 26 ára, hefur leikið jarðbundna móður í auglýsingum Iceland undanfarin tvö ár en er nú sögð vilja verja meiri tíma með ungri dóttur sinni.

Nolansysturnar eru frá Írlandi og hlutu nokkra frægð á áttunda áratug síðustu aldar ásamt þriðju systurinni. Coleen Nolan, sem er 42 ára, er nú sjónvarpsþáttastjórnandi og Bernie, sem er 46 ára, er söngkona.

• 1 blogg um fréttina

Bloggað um fréttina

• Gísli Foster Hjartarson: Hvar er Einar Bárðar?