Spölur ehf. hagnast um 89 milljónir

Spölur ehf., sem rekur Hvalfjarðargöngin, hagnaðist um 89 milljónir króna eftir skatta á sex mánaða tímabili 1. október 2006 til 31. mars 2007. Þetta er töluvert betri afkoma en á sama tímabili árið áður því þá var 83 milljóna króna tap af rekstri félagsins.

Gylfi Þórðarson, framkvæmdastjóri Spalar, segir í tilkynningu frá félaginu að heildarafkoma þess sé vel í takt við áætlanir. Framundan séu umferðarmestu mánuðir ársins sem að öllu jöfnu séu með um 60% af tekjunum.