Hagnaður Vinnslustöðvarinnar 1.116 milljónir króna

Hagnaður Vinnslustöðvarinnar á fyrri helmingi ársins nam 1.116 milljónum króna samkvæmt því sem fram kemur í Morgunkorni Glitnis. Er þetta mikill viðsnúningur frá sama tímabili 2006 þegar tap varð á rekstrinum uppá 493 milljónir króna.

„Skýrist það að stórum hluta af viðsnúningi í fjármagnsliðum vegna styrkingar krónunnar. EBITDA hlutfall jókst um 4,6% milli ára og var 28,9%. Verður þetta að teljast góð niðurstaða sé tekið tillit til sterks gengis krónunnar. Rekstrarhorfur fyrirtækisins til skemmri tíma hafa hins vegar versnað með skerðingu á aflamarki í þorski auk þess sem að krónan hefur ekkert gefið eftir," samkvæmt Morgunkorni Glitnis.

• 1 blogg um fréttina

Bloggað um fréttina

• Hafsteinn Viðar Ásgeirsson: Hér er erfitt að ákveða...