Olíuverð aldrei verið hærra

Verð á olíutunnu hefur aldrei verið hærra en tunnan kostar nú 78,71 Bandaríkjadal. Rekja má hækkunina til áhyggna manna af því hvort olíuframboð geti mætt eftirspurn eftir olíu á heimsvísu.

Verð á hráolíu í Bandaríkjunum er þegar komið fram úr eldra metinu sem var sett í júlí í fyrra, en þá kostaði tunnan 78,40 dali.

Olíuverð hefur verið á stöðugri uppleið undanfarnar vikur í kjölfar þess að framleiðslutafa í Nígeríu og í Norðursjó, og þegar viðskiptum lauk í gær kostaði tunnan 78,21 dal.

• 1 blogg um fréttina

Bloggað um fréttina

• Gísli Bergsveinn Ívarsson: Hækkun á bensíni fyrir helgi?