2381 einstaklingur aðeins með fjármagnstekjur

Samkvæmt yfirliti fjármálaráðuneytisins var 2381 einstaklingur eingöngu með fjármagnstekjur á síðasta ári. 90% þeirra voru með minna en 50 þúsund krónur, aðallega ungt fólk sem ekki er á vinnumarkaði. Þá voru 150 hjón eingöngu með fjármagnstekjur á síðasta ári og aðeins 51 greiddi einhvern fjármagnstekjuskatt.

Fjármálaráðuneytið segir, að eftir að niðurstöður skattaálagningar á einstaklinga árið 2007 lágu fyrir um síðustu mánaðamót hafi í umfjöllun fjölmiðla um fjármagnstekjuskatt margoft verið fullyrt að ríkið sitji eitt að skattgreiðslum á þriðja þúsund manns sem séu ekki með aðrar tekjur en fjármagnstekjur og greiði því einungis fjármagnstekjuskatt sem renni til ríkisins, en greiði ekkert til sveitarfélaga, þótt þeir nýti sér þjónustu sveitarfélaganna.

Fjármálaráðuneytið hafi af þessu tilefni látið greina fjármagnstekjur þeirra sem ekki voru með aðrar tekjur en fjármagnstekjur á árinu 2006. Komi þá eftirfarandi í ljós:

1. Á árinu 2006 var fjöldi einhleypra sem ekki var með neinar aðrar tekjur en fjármagnstekjur alls 2381. Þar af voru hins vegar 2128, eða tæplega 90%, með minna en 50 þúsund krónur í fjármagnstekjur á árinu. Að stórum hluta er um að ræða ungt fólk sem ekki er á vinnumarkaði. Samtals 2270, eða 95% alls hópsins, er með minna en eina milljóna króna í fjármagnstekjur. Af þeim 2381 einstaklingi, sem hér um ræði, greiði einungis 116 einhvern fjármagnstekjuskatt.
2. Á árinu 2006 var fjöldi hjóna sem ekki var með neinar aðrar tekjur en fjármagnstekjur alls 150. Þar af voru 85 hjón, eða 57%, með minna en 100 þúsund krónur á árinu í fjármagnstekjur og 92 hjón, eða 61%, með minna en eina milljón króna í fjármagnstekjur. Einungis 51 hjón úr þessum hópi greiða einhvern fjármagnstekjuskatt.

• 1 blogg um fréttina

Bloggað um fréttina

• Snorri Magnússon: Ekkert...