Krónan veiktist um tæp þrjú prósent í dag

Krónan veiktist um tæp þrjú prósent í dag, og er þetta mesta veiking á einum degi síðan lækkunarhrinan sem nú stendur hófst í lok júlí, samkvæmt upplýsingum frá Glitni. Ástæðan fyrir þessari lækkun er áframhaldandi lækkun á erlendum verðbréfamörkuðum. Gengi dollarans er nú komið í rétt tæpar 70 krónur.

Við upphaf viðskipta í morgun var vísitala krónunnar 122,75, en við lokun var hún komin í 126,10, og er þetta veiking upp á 2,66%. Velta var mikil, 51,4 milljarðar. Gengi dollarans er 69,13 krónur, pundsins 137,04 og evrunnar 92,61.

• 3 blogg um fréttina

Bloggað um fréttina

• Úlfar Þór Birgisson Aspar: Hver er til í Evru með mér?
• Jón Magnússon: Það er aldrei á vísan að róa með flotkrónu.
• Ívar Pálsson: Eru veð bankanna traust?