Útlit fyrir frekari lækkun á heimsmarkaðsverði á olíu

Verð á olíu og hlutabréfum hefur lækkað þessa viku vegna ótta við að tap á áhættusömum húsnæðislánum í Bandaríkjunum muni draga úr hagvexti og eftirspurn eftir olíu. Samkvæmt könnun Bloomberg fréttaveitunnar er olíuverð í New York líklegt til að halda áfram að lækka í næstu viku.

Í Morgunkorni Glitnis kemur fram að ótti við að mikil lækkun á hlutabréfamörkuðum í Asíu kunni að hægja á hagvexti í heiminum og draga þar með úr eftir spurn eftir orkugjöfum olli verðlækkun á hráolíu í gær eftir lítilsháttar hækkun í fyrradag.

Þannig féll verð á Brent hráolíu í London til afhendingar í október um 0,5% í 69,39 Bandaríkjadali. Verðið kann þó að hækka í dag ef fellibylurinn Dean færist inn yfir Mexíkóflóa og ógnar olíuborpöllum og -hreinsunarstöðvum þar.

• 4 blogg um fréttina

Bloggað um fréttina

• Gúrúinn: Vita olíufélögin af þessu?
• Helgi Hrafn Halldórsson: Hvað gerist þá hér á landi?
• Haraldur Haraldsson: Þá hækka Oliufélögin öll sem eitt////Samráð eða hvað????
• Ari Guðmar Hallgrímsson: Útlit fyrir frekari lækkun á heimsmarkaðsverði á olíu