Verðhrun á japönskum hlutabréfamarkaði

Mikið verðhrun varð á japönskum hlutabréfamarkaði í dag er Nikkei hlutabréfavísitalan lækkaði um 5,42%. Hefur vísitalan ekki lækkað jafn mikið á einum degi frá því í apríl árið 2000. Lokagildi vísitölunnar er 15.273,68 stig og hefur hún ekki verið lægri í rúmt ár.

Líkt og á öðrum mörkuðum þá er það bandarískur fasteignalánamarkaður sem veldur japönskum fjárfestum áhyggjum en staða japanska jensins er líka ofarlega í huga fjárfesta. Jenið hefur hækkað undnafarið gagnvart Bandaríkjadal og hefur það slæm áhrif á afkomu útflutningsfyrirtækjanna. Seðlabanki Japans setti 10,5 milljarða Bandaríkjadala lánsfé inn á fjármálamarkaðinn í dag en það hafði lítil sem engin áhrif á markaðinn.

Almennt lækkuðu hlutabréf í verði á mörkuðum í Asíu í dag enda er mikill skjálfti þar vegna orðróms um að frekari slæmar fregnir eigi eftir að berast um bandarískan lánamarkað í dag.

• 1 blogg um fréttina

Bloggað um fréttina

• Úlfar Þór Birgisson Aspar: Ekki bara hernaðarbrölt.